21ва годишна ИИМА Конференција - "Создавање на нови можности - Улогата на информации за одржливи иновации"

21вата годишна ИИМА Конференцијата се одржа во Утрехт, Холандија ,17-20 октомври 2010 година.

Годишните конференции на Меѓународната асоцијација за информациски менаџмент (ИИМА - IIMA) ја промовираат динамичната размена на идеи меѓу водечките научници, професори, програмери и експерти, кои ги споделуваат своите истражувања и иновациите во образованието, бизнисот и владата. 21вата годишна конференција на ИИМА беше посветена на презентирање и испитување на прашања од информатичката технологија кои создаваат нови иновативни и одржливи можности во нашата моментална економска клима. Студентите на магистерски и докторски постдипломски студии беа поканети да аплицираат за Студентскиот конзорциум на конференцијата. Со апликацијата студентите требаа да достават истражувачки труд во кој ги опишува нивниот истражувачки пристап и резултати, и да учествуваат на работилница за дизајнирање на истражување. Дискусиите на работилница беа фокусирани на тригерите за истражување, истражувачките прашања, дизајн на артефакти и валидација.

Конференцијата беше извонредна, говорници беа фантастични, истражувачите и презентерите беа многу иновативни и практични, темите беа актуелни и практични, работилницата беше конкретна и практични, имаше одлично споделување на информации и трансфер на знаење преку студентскиот панел.

Јас и моите колеги од е-бизнис менаџмент постдипломските студии спроведовме истражување и подготвивме истражувачки труд на тема "Зголемување на довербата во владините е-услуги", која беше претставена на конференцијата, како дел од Студентскиот конзорциумот. Исто така земавме и активно учество во студентските задачи во текот на конференцијата и дискусиите на студентскиот панел.

Утрехт е неверојатно прекрасен и шармантен град. Организираната тура низ Утрехт - Trajectum lumen беше многу креативенa и незаборавна,. Силно препорачувам посета на Утрехт, по можност во пролет или лето:), исто така, многу блиску се Амстердам, Хаг кои вредат да се посетат.

Фотографии од конференцијата, Твитер профил, програмата на конференцијата, сертификат.

23-та Бледска еКонференција "еДоверба: Импликации за индивидуалец, претпријатија и општество"

23-тата Бледска еКонференција на тема еДоверба: Импликации за поединецот, претпријатија и општество се одржа во Блед - Словенија, во периодот од 20-23 Јуни 2010 година. Програмата на конференцијата.

Бледската еКонференција привлекува говорници и делегати од бизнисот, владините институции, ИТ добавувачите, како и универзитетите, и е главно место за научниците кои работат во сите аспекти од "е". Конференцијата има широк примена и нуди:

• Истражувачки дел, посветен на истражувачи во сите аспекти на "e";
• Бизнис и владин панел кој привлекува голем број еминентни бизнис и владините лидери од Европа, Америка и во азиско - пацифичкиот регион;
• Бизнис, владини и академски собири нудат исклучителни можности да се размислува и да се споделуваат идеи со колеги од целиот свет.

Во рамките на 23-тата Бледска еКонференција, Факултетот за организациски науки на Универзитетот од Марибор, кој се наоѓа во Крањ, организираше Летна школа, во периодот 14-20 Јуни 2010 година.

Програмата на Летната школа опфати различни теми на иновативно деловно работење и управување, поддржано од модерните информатички и комуникациски технологии. Летната школа беше организирана со предавања комбинирани со практични вежби и искуства, со користење информациони и комуникациски технологии во компјутерска училница. Програма на Летната школа.

Летната школа и еКонференцијата беа одлични, со богата содржина и трансфер на знаење, интерактивни сесии, практични работилници и симулации, извонредни говорници и интензивно вмрежување. Ја препорачувам оваа конференција за сите оние кои сакаат да се надградат себе си како на професионално, така и на лично ниво.

Јас земав активно учество на летната школа и на конференцијата, заедно со моите колеги од е-бизнис магистерските студии. Ја следевме еднонеделната програма на летната школа, учествувавме во 6-тата ACEM (International Academic Electronic Marketplace Council) во соработка со 1st International eMarketplace Simulations и го презентиравме нашиот прототип на Professor René W. Wagenaar ePrototype Bazaar сесијата.

Организираните дружења се одлични, како и вмрежувањето за време на конференцијата, но исто така многу е лесно да се организира слободното време, бидејќи природата во Блед е извонредна, и многу блиску се Љубљана, Постојна, Бохин, Порторож (не толку блиску, но вреди секој километри пат, особено на сончевото време:))

Официјалните фотографии од Блед eКонференцијата и моите слики од конференцијата и летна школа, сертификат за присуство.

Следната 24-та Бледска еКонференција ќе биде на тема еИднина: Решенија за индивидуалци, претпријатија и општество и е закажан за 12-15 Јуни 2011 година. За повеќе информации во врска со повик за истражувања овде.

итСМФ Македонија – ФДЕ

Започна новиот циклус на ФДЕ (FDE - Free Discussion Event) настани организирани од страна на итСМФ Македонија. Целта на редовните ФДЕ настаните кои ги организира итСМФ Македонија веќе трета година по ред, е размената на искуства од областа на Управувањето со ИТ услуги (IT Service Management) преку слободни и отворени дискусии.

ФДЕ настанот се одржа на 27 април 2010, во просториите на МИТ Универзитетот . Темата на настанот беше „Организација на Сервис деск во Македонските организации“ и беа презентирани реални примери од пракса од страна на Некстсенс (Даниела Гавриловска), НБРМ (Наташа Костиќ) и Неоком (Милан Темелковски, Билјана Петровска).

За повеќе информации за ФДЕ настаните, најави за наредни ФДЕ, презентации од ФДЕ и други детали посетете ја веб страната на итСМФ Македонија.

Безбедност на информации

Живеејќи во денешно време опкружени со модерната информатичка технологија, од која стануваме позависни секој ден, ни станува јасно колку е важна безбедноста на информациите. Аспектот на безбедност на информации е многу важен како за бизнис заедницата, така и за индивидуалците. Поради тоа се посветува се поголемо внимание на оваа тема, како во светот, така и во Македонија.
Што се подразбира под безбедност на информации и зошто е таа толку битна, ќе се обидам да ви објаснам преку неколку основни дефиниции и кратки презентации.

Што е информација?
“ИНФОРМАЦИЈА е средство на организацијата, кое како и сите други деловни средства, има вредност за организацијата и поради тоа е потребно да е соодветно заштитена”

Што е безбедност на информации?
ОБЕЗБЕДУВАЊЕ НА ДОВЕРЛИВОСТ, ИНТЕГРИТЕТ И ДОСТАПНОСТ НА ПИШАНИТЕ, ИЗРЕЧЕНИТЕ И КОМПЈУТЕРСКИТЕ ИНФОРМАЦИИ.

• Доверливост - Обезбедување дека информациите се достапни само за оние кои се овластени да имаат пристап
• Интегритет - Осигурување на точноста и комплетноста на информациите и методите за нивно процесирање
• Достапност - Обезбедување дека овластените корисници ќе имаат пристап до информациите и сродните средства кога тоа е потребно

Постојат повеќе меѓународни стандарди и најдобри пракси во кои себе го имаат инкорпорирано аспектот на безбедност на информации. Од нив би ги издвоила:

• ИСО 27001 Управување со безбедност на информации
• ИСО 20000 Управување со ИТ услуги
• ИТИЛ

Повеќе детали за типовите на информации, системи за безбедност на информации, најчести закани по информациите и слично во приложените презентации.

Концепт на информации и основни типови на информации

1 The Notion Information And Basic Types Of Information

View more presentations from Ana Meskovska.

Најчести закани по безбедноста на информациите

3 Most Common Threats Of Information Security

View more presentations from Ana Meskovska.

Системи за безбедност на информации

4 System For Information Security

View more presentations from Ana Meskovska.

Стандарди и препораки за безбедност на информации на интернет

5 Standards And Recommendations For Information Security On Internet

View more presentations from Ana Meskovska.

Одлука на НБРМ за ИСО 20000

На почеток на 2008 година, Народна Банка на Република Македонија (НБРМ) донесе Одлука за сигурноста на информативниот систем (“Службен Весник на РМ” бр. 31/2008).
Во оваа одлука се НБРМ ја пропиша методологијата за сигурноста на информативниот систем (ИС) на банката земајќи ги предвид процесите за управување со безбедност на ИС, континуитет во работењето, сигурносни стандарди за е-банкарство итн.
Во јуни истата година НБРМ донесе Одлука за измени и дополнувања на одлуката за сигурноста на информативниот систем (“Службен Весник на РМ” бр. 78/2008). Со оваа нова одлука НБРМ пропиша дека добавувачите на ИТ услуги на банките треба задолжително да имаат сертифициран Систем за Управување со ИТ услуги .

„Друштвото* од став 1 од оваа точка задолжително треба да поседува сертификат согласно со меѓународниот стандард ИСО/ИЕЦ 20000.

*Под друштво за помошни услуги на банката за информативниот систем се подразбира друштво кое врз основа на писмен договор извршува услуги за банката при завршувањето на банкарските и финансиските активности во делот на информативниот систем. (според Одлуката од 2008)“

На почетокот на 2009 година НБРМ донесе уште една Одлука за измени и дополнувања на одлуката за сигурноста на информативниот систем (Службен Весник на РМ“ бр.31/2009) во која појаснува што подразбира под друштво за помошни услуги на банката за информативниот систем т.е. кои се компании спаѓаат во оваа категорија.

“Под друштво за услуги на банката за информативниот систем во смисла на оваа одлука се подразбира:

а) друштво за помошни услуги на банка чија претежна дејност е управување и водење на систем за обработка на податоци и кое врз основа на писмен договор обработува и чува податоци за банката при извршувањето на банкарските и финансиските активности; и/или

б) надворешно лице, кое врз основа на писмен договор обработува и чува податоци за банката при извршувањето на банкарските и финансиските активности “.

Поради овие одлуки на НРБМ, ИСО 20000 стана актуелна тема во Мекедонија, особено помеѓу ИТ компниите.

Процесинг центарот Касис прв го демонстрираше придржувањето до барањата на НБРМ или поточно до барањата на своите клиенти банките, преку успешна сертификација на Системот за управување со ИТ услуги според ИСО 20000. Со тоа Касис стана првата компанија во Македонија и регионот со ИСО 20000:2005 сертификат. За оваа новост јавија и Капитал, Макфакс итн.